دولة الفاتيكان

[Enter Post Title Here]

 

 

دولة الفاتيكان

من الحاجات الغريبة و الي مفيش دوله تسمح بيها ان دوله تانية تعتدي علي ارضها لكن الاغرب بقا لما تعرف ان في دوله مستقله و كمان عامله سور حوالين نفسها جوا روما عاصمه إيطالية أصلا. الموضوع دا اكيد مكانش بالساهل دا كان نتيجة صراعات سياسية علي مر التاريخ لحد ما قدرت الفاتيكان انها تبقي دوله مستقله في قلب عاصمه إيطاليا.

هنتكلم في الملخص السريع كدا علشان الموضوع دا دسم و فيه تفاصيل كتير لكن انا هنجز و اديكوا الخلاصة .

الموقع بتاع دوله الفاتيكان كان زمان خالص هضبه مهجورة تماما من السكان . في عصر الامبراطور قسطنطين - لما كان اول مره يتم الاعتراف بالمسيحية كديانة رسميه – بني قسطنطين اول كنيسه في الهضبة دي و الي اطلق عليها كنيسه قسطنطين

مع مرور الزمن ز ترميمها كذا مره قرر الباباوات اعاده بناؤها علشان تكون لحد دلوقتي كبر كاتدرائية علي شكلها.

في القرن الرابع بقا تم الاعتراف بالمسيحية انها الدين الوحيد للإمبراطورية الرومانية فيقوم بقا احد الباباوات بتزوير وثيقه سماها "هيبه قسطنطين" وهي وثيقة تؤكد أن الإمبراطور الروماني قسطنطين وهب البابا سلفستير الأول عددا كبير جرا من الممتلكات والقصور والأراضي والألقاب الفخرية، اعترفت الكنيسة الكاثوليكية بتزوير الوثيقة دي في القرن 19.

فضلت الممتلكات دي تحت سيطرة الكنيسة لحد الثورة الفرنسية. هتقولي ايه علاقة الثورة الفرنسية بروما و الفاتيكان.. بص يا سيدي الثورة الفرنسية حصلت في فرنسا اه لكنها أدت الي تطور الفكر و التفكير في أوروبا كلها لدرجه ان في شويه مؤرخين كرا اطلقوا علي الفترة دي عصر التنوير طب و بعد دا كله؟.. نابوليون استولي على روما وطلب من البابا التنحي.. لكن البابا يتنازل؟ .. ابدا.. دا الصراع الباباوي – الحكم المطلق للبابا – استمر من 1798 لحد 1929 الي فيها اتمضت اتفاقيه "لاتران" وضمنت المعاهدة السيادة الكاملة والمستقلة لدولة الفاتيكان الممثلة في شخص البابا الذى يترأس الكرسي الرسولي، كما رسمت حدود الدولة وحددت أملاك الكنيسة وفرضت تعويضات مالية ضد إيطاليا، بينما تعهد البابا بموجب تلك المعاهدة بالالتزام بالحياد الدائم وعدم التدخل في الشؤون السياسية ما لم يُطلب منه ذلك.

و بكدا الفاتيكان بقت دوله مستقله وهاديه.. هي هاديه فعلا لناها مفيهاش أطفال خالص .. كل مواطني الدولة مبيتجوزوش و محرمينه علي نفسهم علي اعتبار انهم رهبان .. ايه دا استني هما مين أصلا مواطني الدولة؟ .. الي بياخد جنسيه الدولة لازم يكون شغال فيها طب لو انتهي شغله؟ .. تنتهي كمان جنسيته.الفاتيكان اصغر دوله في العالم مساحتها متكملش نصف كيلو مربع و عدد سكانها ميعديش 800 نسمه توزيعهم كدا:

• 120 كاردينالاً يقيم 58 منهم فقط في الفاتيكان في حين أن أغلب الكردالة ينتشرون حول العالم كرؤساء أساقفة للكنيسة الكاثوليكية.
• 293 رجل دين، غالبًا يكونون بمنصب خورأسقف؛ يمثلون بعثات الكرسي الرسولي الديبلوماسية حول العالم، وبعضهم أعضاء في المؤسسات الفاتيكانية المختلفة.
• 101 عدد الحرس السويسري، وهم حرس البابا الشخصي ويشكلون حوالي خمس السكان.^[85]
• 62 رجل دين، يؤدون خدمات الفاتيكان المختلفة، وغالبًا ما يكونون من الدرجات الكهنوتية الصغرى، كالرهبان و‌الشمامسة و‌منشدو الترانيم.
• 246 شخص يعمل داخل الفاتيكان، دون أن يملك الجنسية، 80% منهم رجال دين، غالبًا ما يضطلعون بمهام أخرى في الفاتيكان كإعداد الاحتفالات الطقسية.
• 43 شخص عادي، يحملون الجنسية الفاتيكانية.

المصادر : https://www.mobtada.com/details/614722

https://ar.wikipedia.org/wiki/%D8%A7%D9%84%D9%81%D8%A7%D8%AA%D9%8A%D9%83%D8%A7%D9%86